من وطن شاعيريم
 ائليمين نيسگيلي يم
   حَقّ سوزويم
درويشم ، صاف گوزگويم
 جرگه ده سر حَلقه يم
      »خَلوَتي « لَر كُوزويم
عارفم
عارفم ، سانكي » حقيقت «گوزويم
 شيخ »اشراق « كي ، دييه رديز - ئوزويم
`````
حِكمَتين ، مَعرفتين - دالغالاريندا سوزورَم
عالمِ » خَلسه « دَه - من حَقّ كلامين دوزورَم
بير آمانسيز-اُوخ اولوب  عالم حالدا- اوزورَم
`````                           
من اِئلين دَستاني يام
 دوز لوگون حيراني يام
ايگيدلر دِوراني يام
  » توركو« لَر قورباني يام
مَن ائله قُوروقچويام
ياتمانام من اوياغام
ظَفَرين بايراقينا قيرميزي قان  لا - بوياقام
 دِئمه قوخدون
 دِئمه سيندين
  دِئمه پوسدون
   دِئمه سوسدون 
مرد- ايگيدلَر كيمي وورغون دارا-يام
بير قاويشماز- يارايام
تَپه ديرناق هارايام
`````
من گُونَش پارچاسي تَك بير آلاوام »2«
من اُودام
 من اُودام ، من آلاوام
           ظولماتين باغرين يارارام
آجي شاختاني ساويب
        كورپه لَره - ايلك - باهارام
اولكَه مه - يوردوما - صاديق اِئلدارام
» آزادليق « اِئلچي سي يَم
         سونمز- يورولماز- ايلقارام
من هامان » تورك « شاعيري
تورك اوغلو تورك -
             »تورك« اوردوسوندا - سردارام
هاردا حق اولسا - وارام
بير »قلندر « عَيّارام
سازلي سوزلو » دهدارام «