شعر , ادبیات یلدا درنه گی

استاد شاهباز آللاهین رحمتینه گئتدی

آذربایجانین بویوک خالق شاعیری حورمتلی جناب استاد شاهباز
ئوز دونیاسینی دئیشدی بوبویوک مصیبتی بوتون هنر و شعر سئور خالقیمیزا و اونون عائیله سینه باش

ساغلیغی دئییب وقالانلارینا بویوک آللاهدان صبیر دیله ییریک و آللاهدان بو عزیز و داهی

اوستادیمیزا رحمت ومغفرت ایسته ییریک استاد شاهباز چایپارا شهرستانینین الهوئردی کندینده

دونیایا گوز آچیب وآنادان اولموشدو وائله او جاوان واخلاریندان شعر یازماغا باشلامیشدی و

ئوزدئدیینه گوره زندگانلیغین چتینلیغی و یوخسوللوغو قویمامیشدی بو بویوک استاد مکتبه

گئتسین ودرس اوخوسون آمما بو مسئله اونوشعر یازماغینین قاباغین آلماییب و ان گوجلو و

حکمتلی وفیکیرلی شعرلر و اثرلریارادیبدیراونون شعرلرینده خصوصا ائل ادبیاتی وفولکلور

و عاشیقلار سوزلری ونغمه لری ان گئنیش یئر آلیرو بو حیصه ده ئوزوده بیر صاحب نظری

دی آخیرزامانلاردا حکیم نظامی انجمنینین ان زحمت چکن و ان گوجلو شاعیرله ریندن ایدی

بوانجمنین بوتون شاعیرلری بو بویوک شاعیرین واستادین یادینی عزیزله ییب واولو تانریدان

بوعزیزشاعیریمیزه رحمت ایسته ییریک بیر شعربو بویوک استاددان سیزلره تقدیم ائدیرم

اوجا داغلارین باشییندان

دومان گلدی کئشدی نئیلیم

قلبیمی غم غوبار دوتدو

یاندی باغریم پیشدی نئیلیم

ال چکمه رم واللاه سندن

روحوم گئدینجه بدندن

کونول آیریلمیروطندن

داش غوربته دوشدو نئیلیم

داغ سینه مدن سؤز اله ندی

یارالاریم کؤزه له ندی

خاطیره له ر ته زه لندی

بیربیر یادا توشدو نئیلیم

شاهبازام سؤز سؤزه چاللام

ئولومو یادیما ساللام

دی یه ردیم دونیادا قاللام

دوست موصاییب کؤشدو نئیلیم