شعر , ادبیات یلدا درنه گی

یابانجی گولونه یوخ یئریم منیم

کؤوره لیب سؤزوم دن ؛ قیناما منی

منله اول ، وطنله ؛ دئمیرم گول اول

مامیر اول ، گؤزوم ده یاشادیم سنی

اصلینی ـ نسلینی دانانلار ، داشا

چالدیلار اؤلکه نی ـ چیخدیلار باشا

اینسان اول ، ‌اینسان اول ، ایناملا یاشا

اینام اول ، اؤزوم ده یاشادیم سنی

سسیمه سس یئتیر ، صفحه چؤنمه میش

نَفَسیم دونمامیش ، اوْدوم سؤنمه میش

هیس توتوب کؤموره ـ کوله دؤنمه میش

اودوم دا ، کؤزوم ده یاشادیم سنی

داغ کیمی قارشی دور، یئل کیمی اسمه

کوکسونو قازماغا آرتیق ته لسمه

الیمی باغلاما ، دیلیمی کسمه

سازیم دا ، سؤزوم ده یاشادیم سنی.

yaşadım səni

Yabançı gülünə yox yerim mənim

Kövrəlib sözümdən qınama məni

Mənlə ol vətənlə, demiram gül ol

Mamır ol, gözümdə yaşadım səni

Əslıni – nəslıni dananlar , daşa

Çaldılar ölkəni – çıxdılar başa

Insan ol, ınsan ol, inamla yaşa

İnam ol , özümdə yaşadım səni

Səsimə səs yetir , səfhə çönməmiş

Nəfəsim dönmamış, odum sünməmiş

His tutub kömürə- külə dönməmiş

Odumda- közümdə yaşadım səni

Dağ kimi qarşı dur, yel kimi əsmə

Köksunu qazmaqa artıq tələsmə

Əlimi bağlama, dilimi kəsmə