غم یئمه بــــیرگــــون اولار بیزلره ایمــداد گلر

آپـارار ظـــــــولـم بساطین یئــــــــرینه داد گلر

بو قارانلیق گئجه دوزدور اوزانیب صبح اولاجاق

ائله سن صـــبر و تـــــوکل ائله هـــــر زاد گلر

یارانیب خام بــــشر چاشـسا اوزون یاندیراجاق

غیــبـیدن عــــارف اولان عـاشیق اوچون آد گلر

داغلارین قوینونا کهلیـک فره سی ناز ائله سین

داغـــا نـــخـــچـــــیــــره شکار ائتمکه صیاد گلر

تانیسا مـــلت اوزون تفــــــرقه دن اولسا اوزاق

او زامـــان ملـــــتـه بـــــیر دوولــــــــت آزاد گلر

گه چالیش فنی دوزاویرن سنی اوستا قوواجاق

زامان آخدیقــــجا بو شاگرد اوزو اوســـــــتاد گلر

سنی سسلیردی "بویاقچی" وطن اوغلو بوگئجه

آنــــــا گــــر داردا قـــــالا دادیـــــنه ائــــولاد گلر