اورمو گولو urmu gölü
یادیمدادیر اورمو گولو اطرافیندا گول سونبولو
چرچیونده چیچیک غونچا آغ اینجیدن اینجه بوخچا
اوزور اوزده سونا باشلار سوینه باجی قارداشلار
گونش گولور یاناغیندان بولوت سوینج دوداغیندا
هرکس پایین دوز پایلاشیر گولور چیمن گولور چاییر
آجی چای دا-جیغاتی دا مددیم- مددیم آخیر اوردا
شاه دارمارلار اوره گیمه قان گتیریر جان اویمه
نه بیلیم کی بیرگون اللر سوزالماغین سوه جکلر
شه شه رگین کسه- کسه قوروماغان چوخ تله سه
توپراقیمین اوزوک قاشی ائله اولدو قان گوز یاشی
هوسکارلار پستکارلار پیس فیکیرلر یا به عارلار
سوینرلر قورویاسان یورت داغیلا لاپ- لاپ آسان
اولادلارین قاچقینلاشا دای قونمویا ککلیک داشا
سن نگینی توزلویالار ساویرماغا سازلییالار
دوزون دولا ال گوزونه کویر گله گول دوزونه
گاه اویاندا دلی طوفان دوز قوملاخدان کوتو قالخان
یوردو باسا کویرلیغه محتاج قالاخ کال ایگدی یه
خام هوسلر کوتو سسلر یورتددان نه واخت بس کسیلر
آمیر سویر قوروماغین اوزه چیخا دره داغین
آما سنین ایگیتلرین زرتشتدان اویوتلرین
بله راحات اویومازلار قورشاق اوسته قیلینج باغلار
قاچاق نبی یا کاظیم خان اولار اوندا اردو ییغان
هم کوراوغلو ستارخانین قارا پاپاق افشارلارین
یورتدا بوتون ایگیت -ارلر ظولمه قارشی عصیان ائدر
نه قدر کی آزالیبسان اینجه لیبسن سوزالیبسان
آغلاماقلا دولدورماریق بیر آغلادیب دولدوراریق
بودور ائلین جسارتی ایتیرمزلر قان غیرتی
گلین گیدک آغلاداق بیز گوتو فیکیر باغلاداق بیز
اورمو گولون دولدوراغین ظولمون قولون سیندیراغین
یامان گونده خان آرازیم دایاغ گلر یایدا - یازیم
