شعر , ادبیات یلدا درنه گی

عشقیمی تزه له { دشتی}

سنین عشقین منی گتیردی دیله،

 نئجه عاشیق اولار بولبوللر گوله

حسرت چکدیم، سنی یئودیم، کونول وئردیم من

بئله بیر گوزه له، عشقیمی تزه له، شعیره غزه له

کونول وئردیم من شعره غزه له

***

اگر مندن آیری گزیب دولانسان،

 منی بو عشقیمه بیگه نه سالسان

آلشارام، اود توتارام، هم یانارام من

اونودا بیلمه رم،سنشیز من گولمه رم، کونلومو وئر مه رم

ساری کوینک { شاهناز}

جیلوه له نیب نه قارشیمدا دورموسان

اولوم سنه قوربان آی ساری کوینک

ملک سن چیخمیسان جنت باغیندا

هئچ کیم اولماز سنه تای ساری کوینک

دویماق اولمور عیشوه سیندن نازیندان

سونا کهلیک کیمی خوش آوازیندان

یئل ووردو اوز بندی آتدی اوزوندن

ائله بیلدیم دوغدو آی ساری کوینک

اولوم سنه قوربان آی ساری کوینک

***

طوطی دیللی سرو بویلو سالا تین

یوخدو مرحمتی بو سلطنتین

گوندر گلسین علعسگرین خلعتین

ائله مه امه گیم زای ساری کوینک

اوچ گوندن بیر بئش گوندن بیر { ویلایتی}

کونلوم ایستر گورم یاری، اوچ گوندن بیر بئش گوندن بیر---

من ایسته رم گورم یاری، اوچ گوندن بیر بئش گوندن بیر

آرزولارام وفاداری، اوچ گوندن بیر بئش گوندن بیر

((گل- گل آی (2) سن منیم یاریم، سنده دیر- سنده دیر هر ایختییاریم

آسسالار کسسه لر، عاشیقی داردان

دونمه رم –دونمه رم سن کیمی یاردان)) – ناغارات

***

آی قیز گل دیندیر سازیمی---

گولدور عومرومون یازینی، اوچ گوندن بیر بئش گوندن بیر

هئچ اولماسا چک نازیمی، اوچ گوندن بیر بئش گوندن بیر

ناغارات

جئیران گل سئودیندیر منی---

سئویل سمسه دیندیر منی، اوچ گوندن بیر بئش گوندن بیر

کونلوم ایستر گورم سنی ، اوچ گوندن بیر بئش گوندن بیر